Ahke pane tanpu akuka mare, a naya a naya iyarusa tanpu akupi isu ninanukeran ahke paneke, ahke tananke masha nakun yawerinke, iyarusa kara sa uhta niyuntunawatuna papi tanpuke nakun tawerimare, masha kenanaiware umapuna. Masha kenanpachina pepewinan ketapuna. Isekenta ananken papi masha makatuna paanaimare ku iseke yawerusawe napatuna masha ahkete tanawantapi. Nupunawe tanan patuwatera nuhya kakantere masha mapatera winanpu kapakaisu mare.
Tanpuke papatera ahke. Paneke irake nakun pei yawerin inake u uwaterare, nani tananke ya yakupatera sikaruke ni pepatere, inaran uhshakeran pasare masha yunirare wana irapake pumuanatawate. Tananke nipatera ku pachi winarewe ku nashateranta narinterewe. |
Nani kanku pachinara tanpu werun yuni tuna nuya tapi ama unan pachin shipi kai su mare inake pupi yan imin ya werin kesha shapi su, inaran tanpuke weenante yawerin ku yun ni piya pirusa shishi kasu mare we anaken peirawi iwaraya kapa kasu mare, anaken tananke panin masha yuni kasu mare. Inauchin nisapi katu semana yawewike, peiatuna sami wawishin mapachinara akitatuna kasapi ku nani tupiwe kema kaisu ku nani tupiwe pupiyan nitun. Masha panka ninisu taparapi kemakaisu mare inauchin nikatuna masha mapi. |
Wawasha keraware irapa nitu apapi nihpunawe sakai masha kenankasu. Masha kenan patera a naruachin taari tupi yawerusa, ipurasu aketeware ninin. Paanate kapakasu ku sakaiwe. Iraka pupiyan nininsu ku panka masha iteresuwe ipura yaipi piyapisa yunipi kapakaisu mare. Ku panka masha nipiriwe papi yunipi ku tikirarai tupiwe.
NARA CHIMINANKE NAPIRE
sewake a pankatatun nuntamare nakun
Inaura paninke, Elvis, masha yunipun paninke kenanin ite naninke yakunin ku inan ya tarapirinwe napu pachina ninire nanin iwarin waki tupi nankeran.
KARA NANIN KU MANTA YAWERINWE
sewake a pankatatun nuntamare nakun
Inapikeran, wankana tashi nisakasuwe, irapa wentunkarin, Nelson, mashu miachin nininsu, wakikeran teparinsu peperawatun kemarin, nani wachi masha kenanawe kepamakasu mare tenin, tashiyachin apine masha maninsu ketawatuna yanutapi inaran yamurake semupi kemakaisu mare, isu kenaninsu kepamawachin inake yawewike ni ketapuna, isuatuna iyarusa iseke yawewi ni’pirinwe sakai masha kenanasu ipura tawerirusa ku akete masha yawerinwe nitun.
Waki taweri paninke ipura ku petunanke masha manewe ipurasu wana nuwantere inanta mare, nipunawe ku tanantakasu ayarinwe iseke yaweraike. Nakun piyapi naatun masha tiwirawi, napatun ku ipurasu ahkete masha anaruachin naniterewe kenankasu, ah kete panka kanan kapa wachi. Napatun ipurasu wawishin kanan taweretupi, nani nimara kapa nitapi inanta, napatun unpuariwa suna nimara masha kapa michin nipachin napatun ipura yunkiarai unpuaateta kanan yawetantarinpu tenai.