UNPU PINSUNA NIKATE YAWEKASU KANPU PIYAWINPU, ISU NISHA NISHA TAWERI PASARINKE.
Nuya wenama isu nasha ninanu progreso itupike, isu ninanuke kanpu piyawisarachin yawewi, ahke napirepa puchin nakun tanan nininke yawerai, iseke ku sakatuwatera ku pawere yawerinwe, paanakasuteranta ku yawerinwe, iseke yunikaiware kusharu yarerin, nipunawe ku ahkete masha yawerinwe nakun piyapisa na ahsawatuana napurawatun ku saminta yawerinwe. Napurawatu ku irakauchin taweri nininwe, unai taweri nipachina nakun nakun pama panin inaupachina shaarusa papiterin, inauchin piipiinta nipachina, nakun pii anutupachina shaarusa takirin. Napaatun iseke kiasu yunkiarai unpuateta, masha apaikasu, kusaru yawetenpusu mare. Isekeran isu yawerusa shawitarinwema nuwituku unpuisuna yaweraisu. Unpinta nikete ipura tawerisa yawekasu mare.