Nani taweri taweri yakari radio natane, atari perarinsunta natane ina natanpatera nani taweri tene. Nani pi i yakariteriarin ni punawe papi sewen tena tena tare. Sanpisa wenserapi apetaimare, kemapirusa nipirinwe pasapi masha yunipuna taweri wachin kapaimare, kapa masha nipachina tupinan pantapi ayutupisu kapatuna iminke pasapi akemiachin peikeran ina nikase pi i anaruachin pipiriarin.
Iminke uhshine yuine ni katawatuna pantapi, kesha shapi.
Kesha nara itepuchin nipunawe susurin nuhpanake, nipunawe nuhya iseke kiamare. Sanawisa anitaweri kesha uhkuipi. Ya uhkuipachinara pakarawiwi inaran kesha uhkuipi.wenu nikaimare anitweripuchin uhkuipi kesha inaran pupiyan akupi kapaimare. Papi nuya isekemare ku kiasu isha u uraiwe, wenu chasu u upatera nuya achinirinkui napurawatun ku isha nanpii puchin akanurinpuwe. |
|
Pantapinta keshauchin yaipi pii vanike shapatera yaweterinpu. isu katu shaarusa ku pawaninwe piipii, u napike shapatera paputerin. Irakaware pantapi yamurare kane ku manta pu uhtakasu yawewachinawe, napurawatun wenupachinara nisha nisha nikate kane. Isu pantapi shapatera panka susurin napatun ku iwani teyatakasumare pahtetere narake uhsharan amupikamare. |
INIKE SAKATAPI
sewake a pankatatun nuntamare nakun
Ku intupateranta iseuchin pakaturu susurinwe. Nipunawe ku ahkete masha nuyaterinwe, aipirute shaarusa nuyaterin napatun inakerachin shatupatera ku ahkete shaarusa nuyaterinwe, napatun iseke iyarusa tanan iminpi nani piike inaputapatuna apetupi shatakaisu mare, inaran pakanan tuwatawachina nakeran imin antare.
Imin pakanan tuwachina pahtuma imine kesha pantapi inawita shakakasumare irahka yawerusa sakatupiuchin, nipunawe ku ahkete masha, sami yawerinwe nitun, ipura unpuateta kuriki yunire materanta paante kapakasu mare, ipura a naken makinanpi shasapi, iseran chocolate itapisu uhkuipi, napatun katawararinakui waanusa ina shakakawai mare, inawatei ku ahkete kapakasu shaarusa shanaiwe, tapuna inawate kuriki yaweterinpu tekatupi. |
Unpu yaweresuta nukiwatera ku apuchinachinwe kakantere nipunawe uhshakeran nanitere apukasu. Wini na masha mapatupi nitutu peike pakamare makinanpi shasapi. Ina kurikike mapatate masha yunikama. Napurawatun tapuna pa ma panka wekatun masha kikianawachinpua ina kurikike tapate masha ni maparumete kamare. Makinanpi shakakamare taweri nuyantere napuwatera inara putapatera. Ku masha kapakasu mare shanewe ahkete, nipunawe nani nanitupachina pa anpatera Kuri yaweterinpu mahteranta pa ante kapakamare. Isupuchin ipura iseke yawerapi. I su i na SIACC yunisapi unpu yawetapisu nitutaimare, ku iseke peru kerachinwe inauchin nisapi a na parti a na nutepanta Ukanda, Africa, Canada itupikenta isupuchin nisapi, nitutamare unpu yawetapita i na kenta i pura taweri nisha nisha nisarinke, SIACC, sakatarin unpuateta piyapisa kataware nuya nikatuna yawekaisu mare.