Ise yaweresu inachachin nisapun irakarusa yawewisu ,ipura yaweresu, iseke iyarusa nasha progreso yawewisu, tanan nuhsha, wenu mah in inapita payatupi. Isupita ku ayapunwe. Nipunawe masharusa ipura yawerinsu nuwantere, nuwantupi wininpuwa isupita nituchina. Isupita sakai , niku isu imin ipura makinanpi shakakasu sakai piyapisha ku nitutupiwe akete ipuraware nitutapi napatun ku kusharu akete yawerinwe, napatun wawarusa nitutu peike kusharu yawetupi achinapirusari ketapi mapatatuna ina kusharu wawarusa kapatuna tana chinitapi yawewike kamakaimare materanta yawerinsu.
|
Kusharu wawarusa mare nitutu peike yupi tashiramichin kamutechin kapakaisu mare. Nipunawe anaken ku nanitupiwe isu kusharu mapatakaisu, chinihken unanpachina panka pama ninin, anaken wawarusa ku nitutu peike papiwe ahke yawepisupita, isha aketeran yawepisunta napuru ku kusharu mapatupiwe.
KANPU KUSHARU YUPISU
sewake a pankatatun nuntamare nakun
Kusharu iminkeran kapatera, kusharu nishamiachin, sami, nusha, tuwa inaran shuni inapita. Iminkeran, isha keran tanankeran, inapita kanpu kusharu. Iseke yawerusa kapa kankan tupi isu kusharu kapachina.
Iseke ni nusuruate yaweresu, ina wenu, isu u ui iseke u ute yawere, ku wenu yawerinkewe ku ipura nuyawe yawechinachinwe, isu u ui nikamare nuwantere nakun kesha. Nani taweri nakun nakun sairarin wenu, mamare nipahina pehtutun kewanu kesha nipachin kewakewai wiritun kesha nipachina wiriitun. Tashiyachin keraware iwaraya ware wenu u ukasu yawerin panusa papachinara perate ushitere. Iseke yawerusa wenu u utuna nanpiwi napatun niperatuna yawewi kapini wenu u uhpi.
Iseke nikauma isu ni nanke, nakun unpu yaweteresuna kanpu piyawinpu ni punawe ku irakauchin yawewiwe nisha nisha nikatuna. Ana piyapi naniterin makinanpi shakakasu nanituwachin kuriki yaketapun winin masha paantamare, nipunawe ku ana sharusa shapachinwe naniterin kusharuri pawantakasu. Ana piyawi pupian kurikire naniterin wana paanakasu, nipunawe sakaimiahin masha kenanakaisu ipura tawerisa tanan nuhsha yashin nitun yunipi. Ipura sami kenanakaisu mare nakun penanin, akawa inapita isha peitupirewe ku ahkete sami nupirinwe nakun iyarusa peiatuna ishana pekatewi. Isuatuna iseke iyarusa yawewi.